Arkivfoto © NRK
I ein rapport slår organisasjonen fast at oppdrettsnæringa har fått kontroll over mange av dei tidlegare miljøproblema, blant anna når det gjeld bruk av antibiotika.
Revolusjon
Bellona kallar nedgangen i bruken av antibiotika ein revolusjon. I løpet av nokre få år har mengda blitt redusert frå 50.000 kg til 500 kg, samstundes som produksjonen er mangedobla. Dette er med på å gjere havbruksnæringa til ein av dei mest miljøvenlege produsentane av mat, meiner Bellona.
– Laksen utnyttar energien i fôret langt betre enn til dømes gris og kylling, og er det kanskje mest effektive husdyret vi har, seier fagmedarbeidar Marius Holm i Bellona.
Bellona peikar samtidig på at rømming av oppdrettslaks framleis trugar villaksen i norske elvar.
Elin Tveit Sveen. Foto Randi Indrebø © NRK
Søt musikk
Rosen er søt musikk i leiaren i Vestnorsk Havbrukslag sine øyre. For påstandar som at eit stort oppdrettsanlegg ureinar like mykje som ein by på 10.000 innbyggarar, har vore svært øydeleggjande for næringa meiner Elin Tveit Sveen.
Sveen vonar no at næringa møter større forståing, mellom anna i saka om nasjonale laksefjordar.