Vegen har vore stengd sidan tysdag då 10-12 steinblokker losna i 300 meters høgde og dundra ned frå den stupbratte fjellsida over fylkesvegen. Dei største steinblokkene var på nær to kubikkmeter.
- Ingen er totalt innesperra på grunn av vegstenginga, men nokon vil få lengre veg til arbeid og skule, orsakar byggjesjef Lars Erik Karlsen i Statens Vegvesen.
Stengt i helga
Geolog vurderte onsdag sleppområdet frå helikopter. I samråd med geologen meiner Statens Vegvesen at sleppområdet bør reinskast før fylkesvegen opnar, og har bestilt spesialistar frå Mesta fjellsikringsgruppe.
- Om veret tillet det, blir arbeidet starta måndag 9. mars. Vi reknar med at arbeidet vil ta eit par arbeidsdagar, seier Karlsen.