– Vi opnar for avgrensa jakt, for innbyggarane i Leikanger, med øvre grense på to fuglar per dag per jeger. Det seier Jakob H. Holen, som er leiar i Systrond Grunneigarlag i Leikanger.
Tidlegare år har også dei freda, men i år er rypebestanden stor nok til at dei vil opne for jakt igjen. Men då med såkalla «bag-limit» ei øvre grense på to fuglar per jeger per dag.
– Det gjer vi for avgrense jaktpresset hjå oss, med tanke på at mange rundt oss ikkje opnar for jakt i år i det heile.
- LES OGSÅ:
- LES OGSÅ:
For trass i oppløftande meldingar frå takseringane tidlegare i år, fleire grunneigarlag i Sogn opnar ikkje for jakt i det heile denne sesongen.
(SAKA HELD FRAM UNDER VIDEOEN)
I Sogndal, nabokommunen til Leikanger er Fagereggi blant grunneigarlaga som ikkje opnar for jakt i år heller.
Lite fugl
– Hjå oss er det ikkje noko merkbart meir fugl i år. Det seier Sigurd Olav Gurvin, som er leiar for Fagereggi Utmarkslag.
– Vi ser nesten ikkje fugl i fjellet i det heile. Så vi har bestemt oss for å halde stengt for å prøve å få opp igjen bestanden.
Utmarkslaget har hatt stengt for jakt i fleire år tidlegare, men opna for avgrensa jakt i fjor. I år blir det altså stengt igjen.
– Bestanden har ikkje auka noko merkbart, men det er no eit håp om at vi skal kunne få opp att ein bestand som det går an å jakte på.
Også Rambæra i Vik er blant dei som ikkje opnar for jakt i år. Harald Stadheim i Rambæra utmarkslag seier det er sett lite fugl i sommar, og at dei fredar for å vere på den sikre sida.
– Skulle det vere feil er det betre å ha freda ein gong for mykje enn ein gong for lite.
Må leve avgrensingar lenge
I Leikanger trur Holen at «bag-limits» og strenge avgrensingar er kome for å bli i lang tid framover.
– Det er noko eg trur vi må leve med. Med det jaktpresset som vi har i området vårt, og med talet på jegerar som går i dette området, så ser eg ikkje vekk frå at dette blir ei permanent løysing.