Arrangørane skulle helst sett fleire i salen, men dei som møtte fekk ei flott oppleving.
Musikkstudenten Gøril Bruaset Bræin frå Valdres lét seg imponere av heile oppsettinga.
- Les også:
- Les også:
– Eg har ikkje sett dette før i Nordfjordeid, så for meg var det heilt fantastisk å sjå på. Det ligg mykje arbeid bak både kostyme og scene, seier ho.
Operasamarbeid
Operaen handlar om mordet på Gustav III i Stockholmsoperaen 1792. Denne gong har Opera Nordfjord samarbeidd med Den Norske Opera og Ballett, og sett opp deira turneversjon av Maskeballet.
- Les også:
Delar av staben frå nasjonaloperaen har reist til Nordfjord for å samarbeide om operaproduksjonen, og har vore leia av produsent Jan Helge Trøen.
– Veldig kjekt for oss å ha fagfolk derifrå som har vore hos oss i fleire veker. Samstundes har det vore fint for våre frivillige å spare opp energi til neste år. Vi har lånt kostyme frå Den Norske Operas, seier Pavelich.
Lenge sidan full premiere
Operasjef Kari Standal Pavelich er nøgd med premieren, men skulle helst sett fleire enn kring 350 publikumarar i salen.
- Les også:
– Eg såg det var litt ledig på galleriet. Av ein eller annan grunn er det mange år sidan vi har hatt fullsett premiere. Eg trur mange reknar med at det er fullt og ikkje plass, men plass har vi, seier Pavelich.
– Det er ny produksjon, The Sound of Music, om ein månads tid. Kan ein ha nådd eit mettingspunkt?
– Det kan vere at det er så mange andre tilbod, at det er meir realistiske tal no enn for tre-fire år sidan. Så kanskje vi må innsjå at det er her vi skal vere, men vi har ikkje tenkt å gje opp endå.
Må selje billettar
Besøkstala har gått ned sidan nær 5000 publikumarar såg Fotballoperaen og Tryllefløyten i 2010 og 2011. I fjor var vitja 2 600 oppsetjingane til Operaen.
- Les også:
- Les også:
– Men det ser betre ut i år enn i fjor. Vi ligg kanskje eitt par hundre framfor fjoråret, så vi håpar å komme opp i mellom 3 000 og 3 500 i år, seier Pavelich.
– Kor viktig er billettinntektene for dykk?
– Går billettsalet ned, så må vi redusere på aktiviteten vår. Det ynskjer ikkje vi. Vi ynskjer å auke aktiviteten og vise meir og meir scenekunst for vårt publikum.
– Så folk må berre komme og oppleve kunst på høgt nivå, avsluttar Pavelich.