Omkom etter åtte meter fall i siloen

Ein mann på 62 år er stadfesta omkomen etter fall i ein silo ved Bygstad i Gaular.

Laster kart, vennligst vent...

OMKOM: Ein mann i 60-åra er stadfesta omkomen etter ei fallulukke på ein gard i Bygstad.

Oddleif Løseth
Journalist
Eirik Hildal
Journalist

Ulukka vart meldt klokka 1310. Naudetatane og luftambulansen rykte ut.

Fallet skjedde medan mannen arbeidde på ei campingvogn ved siloen.

– Pårørande var i nærleiken og såg ulukka. Han reparerte på campingvogna og fall kring åtte meter ned i siloen, opplyser operasjonsleiar Espen Gulliksen ved Sogn og Fjordane politidistrikt.

Ifølgje BT arbeidde mannen på campingvogna saman med sonen. Politiet antar at mannen snubla i ein støypekant på 20–30 centimeter som gjekk rundt siloen. Siloen hadde gamalt landbruksmaskineri i seg.

Mannen var i live då ambulansepersonell kom til staden. Livet stod likevel ikkje til å redde.

– Politiet er framleis på staden og gjer sine undersøkingar. Arbeidstilsynet er varsla sidan ulukka skjedde på ein gard. Kriseteamet i kommunen er også varsla, opplyser Gulliksen.

Regjeringa vil ha større konkurranse i landbruket, men bøndene på Vestlandet er skeptiske.
Atle Steinar Solheim vart overraska med nyheita om at han er ein av fem nominerte
Over 80 barn var samla på Jølstraholmen for å tjuvstarte adventstida med pynting av pepperkakehus.