Frå i år av skal fangst av pukkellaks rapporterast inn i same system som all anna fangst av laks og sjøaure.
Forskar Henrik H. Berentsen ved Norsk institutt for naturforsking (NINA), oppmodar også sportsfiskarar om å sende skjelprøvar av fisken.
- Les også:
– Gjennom DNA kan vi finne ut kvar fisken faktisk stammar frå. Kan vi ha ein rein norsk pukkellaks, eller er alt påfyll frå den russiske sida, spør forskaren.
Samlar informasjon
Det har vore lite forsking på laksearten som vart sett ut i Kvitsjøen nordvest i Russland. Etter «eksplosjonen» for to år sidan ynskjer forskarane å samle så mykje informasjon som mogleg.
Då vart det oppdaga nær 6.400 eksemplar av den uønskte laksearten i norske elvar. Den vart også fanga i Danmark, Frankrike, England, Svalbard og Island.
I Møre og Romsdal er fagsjef Jon Ivar Eikeland i Miljøvernavdelinga hos Fylkesmannen i Møre og Romsdal spent på kor mykje av yngelen i 2017 som kjem tilbake i år.
– Yngelen går med det same ut i havet og kjem attende halvanna år etter. I 2019 kjem yngelen frå 2017 tilbake, seier han.
Mørketal i 2017
Forskar Berntsen ventar dei første fangstrapportane tidleg i juli. Han fryktar ein verre sommar enn for to år sidan.
- Les også:
– Det er det vi er uroa for, men det kjem an på korleis overleving og veksten har vore i havet, seier han.
– Det kom dramatisk med fisk i 2017, men på grunn av dårleg overvaking er vi trygge på at det var store mørketal, legg han til.
Legg millionen på bordet
Pukkellaksen, som tidleg i sesongen er ein god matfisk, er definert som ein høgrisikkoart i artsbanken. Den .
I det som blir villaksens år har Klima- og miljødepartementet
. Det er ei tredobling av potten frå i fjor og arbeidet blir koordinert av Fylkesmannen i Troms og Finnmark.– Pukkellaksen gyter før villaksen, brukar same gytehabitat som laks og sjøaure, er veldig aggressiv og kan fortrenge stadeigen fisk. Den jagar vekk alt i nærleiken av gyteplassen, seier Berntsen.
Det som er sikkert, er at fisken er vanskeleg å bli kvitt. Det handlar om å halde bestanden nede.
– Kjem det få av den, så kan det fungere bra med ekstra uttaksfiske som i 2017. Men det kan vere vanskeleg i enkelte elvar. Det er vanskeleg å få gjort noko med den, om ein ikkje får gjort noko med kjelda, avsluttar Berntsen.