NRK Meny
Normal

Økopris til Pascal Baudonnel

Pascal Baudonnel frå Undredal fekk i dag« Økopris Vestlandet».

Pascale Baudonnel

Pascale Baudonnel har fått pris for engasjementet for økologisk landbruk.

Foto: NRK / NRK

Prisen vart i dag utdelt for sjette gong og går til verksemder eller enkeltpersonar som har gjort ein særleg innsats for å fremja økologisk landbruk, forbruk og utvikling.

Ein stor inspirator

Pascale Baudonnel får prisen for sitt heilskaplege engasjement for økologisk landbruk i vidaste forstand, heiter det i grunngjevinga.

Prisvinnaren er mest kjent for sitt engasjement for lokale mjølkeprodukt som den landskjende Undredalsosten, men ho har i årevis også vore ein stor inspirator og pådrivar i det økologiske miljøet generelt.

Sta og uthaldande

I grunngjevinga står det også at er Pascale si forteneste at det no igjen er lovleg i Norge å lage produkt av upasteurisert mjølk.

– Ho er eit godt døme på at ein må ha stor pågangsmot, kombinert med ein god porsjon staheit og i tillegg vere svært uthaldande for å vinne mot eit teknokratisk byråkrati med lite økologisk innsikt. For dette engasjementet er Pascale blitt landskjent og ho har også fått ei rekkje prisar.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.