Hopp til innhold

Nytt steinras ved Heilevang

Ved 16-tida sundag gjekk det på nytt ras ved Heilevang på fylkesveg 609 mellom Førde og Askvoll. Steinane dekker halve vegbana, men bilar kan passere.

Steinras ved Heilevang

NYTT STEINRAS: Store steinar stenger halve vegbana ved Heilevang

Foto: Alf Vidar Snæland

Vaktoperatør ved Vegtrafikksentralen i Lærdal, Arne Stadheim, seier de ter folk på staden for å rydde steinane.

– Dei må nok i første omgang dytte dei ut i grøfta. Nokre av steinane er så store at dei må sprengast, men det blir ikkje gjort før måndag.

Det har sålangt ikkje vore vurdert å stenge vegen.