Måndag måtte nok ei kvinne føde tvillingar på Lærdal sjukehus. Vêret var rett og slett for dårleg til at kvinna kunne sendast til Førde eller Bergen, seier jordmor Vigdis Myhre.
Ikkje vanskelege fødslar
Dette er andre tvillingfødselen ved sjukehuset i Lærdal etter at fødeavdelinga vart gjort om til fødestove.
Sjukehuset har både røynd gynekolog og røynde jordmødre på vakt, men skal etter regelverket for fødestover ikkje ta vanskelege fødslar. Bente Øyen Hauge i aksjonsgruppa Forsvar Lærdal sjukehus meiner at ei fullverdig fødeavdeling i Lærdal no tvingar seg tilbake.