– No er vi omsider tilbake der vi har halde på i mange år. Det skal no utgreiast eit forprosjekt slik at ein kan søke om statstilskot med tanke på realisering, og vi har lagt inn midlar i finansieringsplanen, seier leiar i kulturutvalet, Nils Gjerland.
Eit samrøystes finansutval vedtok denne veka å gå vidar med det såkalla Kløfta-prosjektet i Movika i Førde. Saka har versert i ulike storleiar i snart 10 år. Men no går dei vidare med ein nedskalert versjon ved Sunnfjord museum.
Nedskalert prosjekt
– Det er mindre omfattande enn det som var utgangspunktet i arkitekt konkurransen, men det er gjort ein del innsparingar for å få det rimelegare. Samstundes skal det dekke dei føremåla som det skal løyse. Så det bygger på det prosjektet, seier Gjerland.
- Les også:
Det vart sagt under møtet at dette prosjektet er det som fylkeskommunen klarer å få til, ettersom dei ikkje kan bygge drøymeprosjektet.
– Det var eit flott prosjekt som vi har måtte krympe for å få det gjennomført. No har det blitt forsøkt å finne andre løysingar men utan å lukkast. Så no håpar eg vi får ei realiserbar framdrift.
Lefdal gruver kan vere løysing for magasinet
Venstre ønskte å sjå på Lefdal gruver som ei mogelegheit for fellesmagasin, men vart nedstemt.
– For magasinet kan det vere ei løysing og det blir kanskje sjekka ut. Men det løyser ikkje utfordringane for dei tilsette i Movika og utstillingslokala dei manglar. No har musea jobba i eitt år med dette utan å komme fram til noko, og det er avgrensa kor lenge ein kan halde på å leite når ein trass alt har eit prosjekt som i alle fall løyser oppgåvene.
- Les også:
For Gjerland har eit fellesmagasin vore tema omtrent like lenge som han har vore i politikken. Men Gjerland meiner det er eit kvalitetsteikn.
– Politikk er ei tolmodigheitsprøve. Dei gode prosjekta toler tida. Men dette har tatt tid. No er tida overmoden for å finne ei praktisk løysing, seier han.