Nytt håp for brannråka hotell

Selskapet Travel Property Holding AS har kjøpt 51 prosent av Nye Hopstock AS. Med dette tek dei også plass i førarsetet i arbeidet for ei attreising av Hopstock Hotell.

• LES OGSÅ: Nærmar seg løysing for hotellet
• LES OGSÅ: Krev opprydding av hotellruinar

Hopstock Hotell brann ned til grunnen i mai i fjor , og Vik har sidan vore utan hotell .

• SJÅ: Bileta frå brannen

– Vi har lenge vore i forhandlingar med Carl Andre (Rieber, red. anm.). Vi ser på Vik som ein viktig destinasjon for Sognefjorden, og er fascinert av det sterke lokalsamfunnet i Vik som ein styrke for Hopstock Hotell, seier Gunnar Nerdrum Aaagaard i Travel Property Holding.

Planar klar til nyttår

I tillegg til å byggje opp att det brannråka hotellet, og restaurere motellet, opnar avtalen og for ei overtaking av hotell-annekset på naboeigedomen.

• LES OGSÅ: Legg brannråka hotell ut for sal
• LES OGSÅ: Vil ha nytt hotell i Vik

Travel Property Holding er eigd av Rolf Wikborg, som mellom anna eig Tørvis Hotell og hotellkjeda MountainFjord. Ifølgje ei pressemelding har verksemda starta arbeidet med å finansiere attreising, og skal innan nyttår ha planar og finansiering klar.

– Vi håpar å sette i gang så fort som råd med branntomta. Samstundes vil vi bruke tid til å få innspel i høve til kva som er fornuftig å gjere med den hotellmassen som er der no, seier Aagaard.

Stor tru på Vik

Attreisinga av hotellet er første steg i Travel Property Holding sine planar for ei storveges satsing i Vik. Dei neste to stega omhandlar eit konferanseanlegg og hotell ved fjorden.

• LES OGSÅ: Såg livsverket gå opp i flammar
• LES OGSÅ: Brannsjefen såg brannen starte
• LES OGSÅ: Ærverdig hotell - har brunne før

Aagaard meiner både mat- og drikketradisjonar er gode føresetnader for å kunne drive reiselivsverksemd i Vik.

– Vi har veldig, veldig tru på Vik som destinasjon og som utgangspunkt som opplevingsbasert turisme, seier Aagaard og nemner både ølbryggjeri, slakteri, gamalostproduksjon, stavkyrkje og kultursti.