Nytt branntilløp i Lærdal i natt

Politiet fekk melding om ein liten brann bak ein kompostplass kring 200 meter oppe i lia klokken 00.20 natt til onsdag.

• LES OGSÅ: Lærdals «ukjende helt»

Brannmannskap kom til og fekk raskt sløkt det som viste seg å vere ein ulmebrann i lyng og mose. Også natt til tysdag blussa det opp i terrenget grunna sterk vind .

• LES OGSÅ: Storbrannen slukte tre verneverdige hus - sjå bileta frå før og etter infernoet

– Det er klart at det byrjar å tære på både brannvesen og Sivilforsvaret. Det har gått fire døgn sidan brannen starta, og dei har stått på. Det brann her også i går og på måndag, så det har vore mykje å gjere for brannmannskap og sivilforsvaret siste dagane, seier NRK sin reporter på staden, Simon Solheim.

Krevjande arbeid

Politiet har avhøyrt fleire vitne etter storbrannen som slukte minst 35 bygningar i den vesle bygda . Kripos vil i dag halde fram arbeidet med å leite i brannruinane for å få svar på kva som utløyste storbrannen .

• LES OGSÅ: – Rein flaks at ikkje mange omkom i brannen

Eigaren av huset der brannen starta vart avhøyrt tysdag, men politiet vil ikkje seie kva som har kome fram.

• LES OGSÅ: Det vil ta minst eitt år før dei brannråka kan flytte inn i nye hus

– Kripos har teke fatt på eit svært vanskeleg arbeid, og seier at brannetterforsking er det vanskelegaste arbeidet dei driv på med. Det kan ta fleire dagar og veker før ein får svar, men brannteknikkarar vil i dag halde fram arbeidet på branntomta, seier Solheim.