Denne helga vert status i den lokale toppdivisjonen i fotball endeleg avgjort. Bak Førde er det ope om dei øvste plasseringane på
.Vi følgjer kampane direkte.
To spenningsmoment
Selje og Skavøypoll kjempar om å halde plassen. Det ser dårlegast ut for Selje som ligg sist med ti poeng - tre poeng mindre enn naboen frå Vågsøy. Selje har også fem mål dårlegare målskilnad enn Skavøypoll.
Begge lag har heimekampar og dei to avgjerande kampane er flytta til søndag klokka 12. Dei to nordfjordlaga møter høvesvis Stryn og Sogndal 2.
Først søndag blir det også avgjort kven som blir toppscorar i divisjonen. Etter kampane laurdag står tittelen no mellom Asbjørn Tenden (Stryn) og Preben Strypet. Sistnemnde banka inn tre mål i bortekampen mot Høyang og står med det bokført med 25 mål. Eitt mål meir enn Tenden.