NRK Meny
Normal

Moberg klar for klubben han eliteseriedebuterte mot

Midtbanespelaren Vegard Leikvoll Moberg er den andre spelaren som byter Sogndal si kvite og svarte trøye, med Bodø/Glimt sine heilgule.

Vegard Leikvoll Moberg er klar for Glimt.

BYTER KLUBB: Bodø/Glimt-trenar Aasmund Bjørkan ynskjer Vegard Leikvoll Moberg velkommen til klubben.

Foto: Glimt.no

Vegard Leikvoll Moberg kom til Fosshaugane frå Åsane i fjor sommar. Han fekk seks Tippeligakampar for Eirik Bakke sitt mannskap.

Onsdag skreiv 26-åringen frå Os under ei kontrakt som gjer han til Bodø/Glimt-spelar ut 2019-sesongen.

– Det vil passe meg bra å medverke til å spele opp ein klubb frå Obosligaen. Sjølv om eg kjem frå Eliteserien er det ikkje noko nedtur for meg å gå tilbake til Obosligaen, seier han til Bodø/Glimt sine nettsider.

Treng speletid

Vegard Leikvoll Moberg

DEBUTERTE: Vegard Leikvoll Moberg fekk sin eliteseriedebut mot nettopp Bodø/Glimt etter overgangen frå Åsane i fjor sommar.

Foto: Blom, Christian / NTB scanpix

Den 190 centimeter høge midtbanespelaren debuterte for Sogndal mot nettopp Bodø/Glimt. Glimt leia 2-0, men kampen enda 2–2.

Sportsleg leiar i Sogndal, Håvard Flo, seier det er stor konkurranse om plassen på sentral midtbane.

– For Vegard si vidare utvikling og karriere er det viktig at han får meir regelmessig speletid framover, og der er sjansen større i Bodø/Glimt for tida, seier Flo til Sogndal Fotball sine nettsider.

– God kjensle

Håvard Flo

SJANSE: Sportsleg leiar i Sogndal, Håvard Flo, ynskjer Vegard Leikvoll Moberg lukke til i Glimt. – Dette er ein kjempefin moglegheit for Vegard, seier han.

Foto: Geir Bjarte Hjetland / NRK

For Moberg blir det gjensyn med gamletrenaren Kjetil Knudsen. Knudsen som var trenar i Åsane, er no assistenttrenar i Bodø.

Det blir også gjensyn med Kristian Fardal Opseth. Sogndal-spissen er på lån frå Sogndal.

– Det er ei god kjensle no. Det er godt når ting endeleg landar etter mykje uvisse. Eg har trua på at dette blir bra, seier Moberg til Glimt sine nettsider.

Aksjonistar i rettsal, aksjonistar lenkar seg fast på Engebøfjellet
Teaterfestivalen i Fjaler  
Frida Melvær møtte innbygarane dagen derpå