Den regjerande europameisteren i motbakkeløp slo sin eigen rekord frå i fjor med 32 sekund, og den nye vinnartida er 1.07.06.
Dermed får han 100 000 kroner i premie. 70 000 for ny rekord og 30 000 for å ha vunne. Jonathan Wyatt frå New Zealand vart nummer to. Thorbjørn Thorsen Ludvigsen frå BFG Fana vart nummer tre og beste nordmann.
Skotske Angela Mudge vann kvinneklassa på tida 1.22.22. Ho deltok i løpet for første gong, og det var gjennom heile løpet særs tett mellom Mudge og Anita Håkenstad Eversten. Evertsen, som deltok på sitt femte Skåla Opp, kom i mål på 1.22.46, og vart nummer to.
Her finn du fullstendige resultatlister frå Skåla Opp.
– Veldig glad
Den nye rekordhaldaren var særs glad for å ha slått sin eigen rekord. – Eg sprang åleine frå to kilometer og vidare opp. Heile tida følgde eg med på klokka, for å sjekke om det låg an til ny rekord. Eg er veldig glad for at eg klarte å sette ny rekord, seier Ahmet Arslan.
Han håpar å kome tilbake til neste år, og har planane klare. - Eg har sett ny rekord begge åra eg har vore med, og vil gjerne gjere det igjen om eg deltek neste år også!
Fleire lokale klassevinnarar
Det var fleire lokale klassevinnarar. Audhild Hestad, Gaular, vann klasse 23-34 år med tida 1.33.32, Anna Margrethe Tråve frå Lærdal vann klasse 55-59 år på 1.44.48, Karoline Erdal, Førde, vann klasse 15-17 år på 1.51.40. Janne Eikås frå Jølster vart nummer fire i klasse 40-44 år med tida 1.41.10.
Torstein Bu frå Førde gjekk til topps i klasse gutar 15-17 år med tida 1.28.41, og Magne Øyra frå Nordfjordeid vann klasse 75+ med tida 2.18.28, Erlend Eide, Eidsfossen Sykkel (Sandane), vart nummer to i klasse 20-22 og nummer ti totalt med tida 1.21.06. Oddne Håvardstun Munkvold, Førde, vart nummer tre i klasse 18-19 år med 1.28.28, Marius Vedvik, Gular (og Førde), nummer tre i klasse 20-22 år med 1.22.33, Jann Olav Tjønneland, Viksdalen, nummer to i klasse 35-39 år med 1.20.39.
Odd-Bjørn Hjelmeset, Fjellhug/Vereide, vart nummer to i klasse 40-44 år med tida 1.24.35, Kjell Mundal, Jølster, nummer to i klasse 45-49 år med 1.27.05, Magnar Solheim, Norddalsfjorden, nummer fire i klasse 50-54 år med 1.35.00, og Terje Torvanger, Bremanger, nummer to i klasse 55-59 år med 1.37.18.
I klasse 23-34 år var Arve Rindal frå Eid best av deltakarane frå Sogn og Fjordane, han vart nummer sju med tida 1.22.56.
1780 tok turen
I alt var det 720 deltakarar i konkurranseklassane og 1060 i trimklassen, til saman 1780.
Dette var første gong med direkte TV-sending i regi av NRK Sogn og Fjordane. Resultatet blei NETT-TV frå kl 09.50 til 12.30, der heile verda kunne få ferske bilete frå startområdet, mellomtid ved Skålavatnet og innkomsten ved Skålatårnet på 1848 meter over havet.
Arrangøren melder om god steming i teltet i startområdet der ivrige tilskodarar kunne følgje Nord Europas tøffaste motbakkeløp frå start til mål.