NRK Meny
Normal

Ny kontrakt på landslaget

Som venta er både Ann Kristin Aafedt Flatland og brørne Bø tekne ut på elitelandslaga i skiskyting til komande sesong.

Johannes Thingnes Bø

FORNYA KONTRAKT: Johannes Thingnes Bø gjorde det godt på slutten av sesongen.

Foto: Rune Fossum / NRK

På elitelandslaget for kvinner får Aafedt Flatland frå Vik selskap av Tora Berger, Tiril Eckhoff, Hilde Fenne, Synnøve Solemdal og Fanny Welle-Strand Horn. Trenarar er Egil Gjelland, Geir Ole Steinslett, Jon Kristian Svaland og Ola Ravald.

Ann Kristin Flatland

KLAR FOR NY SESONG: Ann Kristin Aafedt Flatland.

Foto: Solum, Stian Lysberg / NTB scanpix

På herrelandslaget er Ole Einar Bjørndalen, Emil Hegle Svendsen, Vetle Sjåstad Christiansen, Henrik L´Abée-Lund tekne ut saman med brørne Tarjei Bø og Johannes Thingnes Bø frå Stryn.

Johannes kom sterkt

Johannes Thingnes Bø var ny på elitelandslaget i sesongen som no er over. Han sleit med sjukdom i store delar av sesongen, men kom sterkt mot slutten og sikra seg mellom anna to individuelle sølvmedaljar i NM.

Trenarar for herrane er Espen Nordby Andersen, Roger Grubben og Ola Ravald.

Ingen utøvarar frå Sogn og Fjordane er tekne ut på rekrutt- og juniorlandslaga. Det betyr at Håvard Gutubø Bogetveit og Jarle Midthjell Gjørven må greie seg utan den støtta det er å vere på eit landslag.

Den økonomiske skilnaden mellom å vere på landslag eller ikkje er om lag 100.000 kroner. I tillegg kjem støtteapparat og oppfølging, som også har mykje å seie.

Tarjei Bø og Ole Einar Bjørndalen

TARJEI OG SUPERVETERANEN: Tarjei Bø får med seg m.a. Ole Einar Bjørndalen på landslaget.

Foto: Varfjell, Fredrik / NTB scanpix
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.