Maratonsendinga starta med direktesendt helsedebatt i radio og nett-tv frå klokka 16.03 - 17.00 og heldt fram med direktesendt val-fjernsyn i Vestlandsrevyen si sendeflate på NRK1 klokka 18.40 torsdag kveld.
Her inviterer teprogramleiar Oddgeir Øystese politikarar til helsedebatt om samhandlingsreforma.
Bakgrunn:
I april 2010 vedtok Stortinget Samhandlingsreformen. Dette er ei av dei største helsereformene dei siste tiåra. Frå årsskiftet skal kommunane ta over ein del av dei helseoppgåvene som staten har i dag. Dette gjeld spesielt eldre og kronikarar.
Korleis møter kommunane dei nye utfordringane? Det er helsepolitikk som blir tema når NRK inviterer fylkestingskandidatar og publikum til debatt i Sogndal torsdag.
Desse deltok i radio-debatten torsdag ettermiddag:
- KS-leiar og ordførar, Olav Lunden (Ap)
- Ordførar i Sogndal, Jarle Aarvoll (Ap)
- Fylkesleiar og ordførar i Gulen, Trude Brosvik (Krf)
- Fylkesleiar Frank Willy Djuvik (Frp)
- Tredjekandidat Karen Marie Hjelmeseter (Sp)
- Åttandekandidat Jacob Nødseth (H)
- Sjukehusaksjonist Bente Øien Hauge
- Leiar i pensjonistlaget Sogn og Fjordane, Gerd Brekke
Framover blir det også to andre direktesendte debattar i ettermiddagssendingane. Tysdag 30. august går turen til Sandane der tema blir framtida for dei vidaregåande skulane i fylket.
Den 6. september er NRK Sogn og Fjordane på plass i Måløy, der framtida til fylket vårt blir tema.