NRK Meny
Normal

NRK-fotograf (52) omkom i trafikkulukke

Det var Heidi Lise Bakke (52) frå Førde som omkom i trafikkulukka i Bygstad tysdag føremiddag.

Heidi Lise Bakke

Politiet har tysdag kveld frigjeve namnet i samråd med familien.

Ulukka skjedde ved eit privat gardstun i Bygstad i Gaular. NRK-fotografen kom i klem då den store varebilen ho var passasjer i hamna utfor ein skrent og vart liggjande på sida i vegen nedanfor parkeringsplassen.

Mannskap frå ambulanse, politi, luftambulanse og brannvesen rykka ut til staden. Livet stod ikkje til å redde. Føraren, ei kvinne i 40-åra, kom frå ulukka utan fysiske skader.

Heidi Lise Bakke var opphaveleg frå Vågå i Gudbrandsdalen, men har ei årrekkje jobba ved NRK sitt distriktskontor i Førde. Ho etterlet seg ektemann og to vaksne søner.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.