NRK lagar eit TV-program om reinsdyr i fjordfylket, men treng meir gamal film og bilete av reinsdyr og utsetjing av reinsdyr.
– Naturprogrammet vil bli styrka mykje om det kjem inn meir gamal film av reinsdyr i Sogn og Fjordane, seier programansvarleg Harald Kolseth.
På 1960-og 1970-talet blei det sett ut tamrein i både Nordfjord, Sunnfjord og Sogn. Dette er reinsdyr som seinare blei til villrein.
Mellom anna blei det sett ut fleire lastebillass med reinsdyr på Langeland ved Førde i 1970.
Har du bilete eller film/video, så ønskjer vi at du tek kontakt med NRK Sogn og Fjordane på telefon 57 72 42 42. Du kan også sende ein epost til: sf@nrk.no