– Faren er at har du stor fart, så kan du slå hôl i båten din.
Det seier skipper Helge Bjørnset på ferja MF «Lote» som trafikkerer sambandet Anda - Lote.
Han ber båtfolk som ferdast på Nordfjorden om å vere forsiktige.
– Ver veldig obs på trestokkar som ligg og flyt. Dei ligg tungt i sjøen, så du ser dei berre så vidt. Så det er stor fare, åtvarar Bjørnset.
Til saman 43 personar vart evakuerte på Lote i Eid og Blakset i Stryn natt til måndag, då elvene gjekk over sine breidder.
Skadene på eigedomar er store, og mykje skog er og anna skrot er ført ut på fjorden.
- LES OGSÅ:
Dei evakuerte fekk vende heim måndag kveld.
