Gustav har blitt ein bauta på Sogndal - no vil han til EM

– No må eg berre prestere på laget i kvar einaste kamp. Er eg god nok, så håpar eg at eg får eg vere med, seier Gustav Valsvik.

Han står i mixed sone på Fosshaugane etter 0-0-kampen mot Sarpsborg, og forklarer journalistane kor skuffa Sogndal er over at dei ikkje klarte å avgjere til sin fordel.

• SJÅ FAKTA – OG KAMPEN SPARK FOR SPARK

Har hektiske dagar med fotball

For hans eigen del er det svært hektiske dagar, der han i tillegg til spel i eliteserien også har vore oppteken med flagget på brystet.

Difor fekk han kvile under cup-kampen mot Tornado Måløy – men mot Sarpsborg 08 var han som vanleg ein påliteleg makker til meir rutinerte Hannu Patronen.

• LES OGSÅ: Santos: «Nei, eg meiner han skulle aldri ha hatt det raude kortet» –

Eg er nøgd med sesongstarten så langt. Folk trur kanskje eg blir sliten av så mange kampar, men det skjer ikkje – fotball er jo kjekt, smiler Valsvik – som først om ein månad fyller 20 år.

«Han er sterk som h ...»

No håpar midtstopparen på eit «opprykk» til U21-landslaget som skal spele EM i Israel i juni. Tidlegare har Valsvik fått spele med U21-generasjonen som skal ta over etter at EM er ferdigspelt.

– Eg håpar jo på det, sjølv om kampprogrammet då vil bli ganske intenst i sommar. Så lenge eg presterer slik eg gjer no, har eg eit håp – sjølv om det er gode spelarar på laget frå før, seier Valsvik.

Han får gode skotsmål frå motstandaren.

– Han er jo sterk som h ..., ler Christian Brink då NRK.no spør korleis det var å duellere mot Valsvik på dødballsituasjonar.

• LES OGSÅ: Denne klubben er storeksportør av fotballtalent

Trur Valsvik kan nå langt

Brink var sjølv i Sogndal som midtstoppar då han slo igjennom i ung alder. Han kjenner seg att i situasjonen til den unge vikjen.

– Eg var ung og fekk mykje erfaring av å spele i Sogndal. Får Valsvik bra med speletid her, så trur eg han kan nå langt, seier Sarpsborg-stopparen.

– Kva tenkjer du om Sogndal som ein klubb å utvikle seg i?

– Det er Norges beste klubb å utvikle seg i, seier Brink.

OK nøgd med seriestarten

Valsvik og Sogndal brukte lang tid på å bli samde om ny kontrakt sist sesong. 19-åringen var då mellom anna i England og viste seg fram.

No satsar han vidare med Sogndal. Og kanskje blir det eit EM-sluttspel på kjøpet.

• LES OGSÅ: Fekk tidenes 20-årspresang – vart utteken på U21-landslaget
• LES OGSÅ: Valsvik signerte ny SIL-kontrakt

– Eg synest vi burde hatt tre poeng i dag. Men alt i alt har vi vel hatt ein godkjent seriestart, seier Valsvik.