– Det er altfor få folk som vaksinerer seg. Vi burde i alle fall ha fire gonger så mange vaksinasjonar som det vi har. Det seier kommuneoverlege i Førde Øystein Furnes.
. Furnes fortel at dei særleg har merka stor pågang etter jul.
- Les også:
– No er vi inne i ei tid der vi er mykje inne, og folk er mykje i lag. Då smittar vi kvarandra lett, og resultatet blir fort at influensaen spreier seg raskt.
Effektive vaksinar
Kommuneoverlegen seier at influensavaksinane er særleg effektive i år, og han skulle gjerne sett at fleire tok initiativ og nytta seg av dei.
– Det har nok mykje å gjere med at ein kanskje ikkje tenkjer over det, også er det vel ein del som er skeptiske til vaksinar generelt. Mitt klare råd er uansett å kome seg til eit legekontor og få vaksinert seg. Det byrjar å bli seint for denne sesongen, men det er framleis lurt å gjere det.
Viktig å vakse hendene
Om ein ikkje har fått vaksinert seg er det uansett mykje anna ein kan gjere for å unngå å bli influensasjuk.
– Det aller viktigaste er heilt klart å vaske hendene godt og ofte. Og så må ein hugse å hoste i olbogen, slik at ein ikkje spreier basseluskar rundt omkring.
- Les også:
Sjølv om mange no får influensa, seier legen at det også er mange som trur at dei har influensa, utan at dei har det.
– Det er fort gjort å blade influensa med eit sterk forkjøling. Når ein har influensa får ein stort sett ikkje problem med luftvegane, ein blir ikkje tett i nasen. Dei fleste som får influensa er likevel ikkje i tvil, for du blir ganske sjuk, seier Furnes.
Utbrot i heile landet
Folkehelseinstituttet overvakar influensautbrot i heile landet, og publiserer vekerapportar om influensatilstanden kvar veke.
- Les også:
I førre veke fekk over 3 prosent av alle som gjekk til legen her i landet, ein influensadiagnose i følgje folkehelseinstituttet.
– Overvakinga frå veke 52 syner at førekomsten av influensasjukdom i befolkningen auker, og årets utbrudd er i gong i hele landet. tal på sjukehusinnleggingar aukar også, skriv dei i den siste vekerapporten.