– Det var eit utruleg høgt nivå! Vi er veldig imponerte over kva folk har fått til på berre nokre dagar, seier jurymedlem Håvard Nesbø i Fjellsportfestivalen.
Han er over seg av begeistring over videoane som deltakarane på festivalen har laga denne veka. Med stupbratte fjell rundt Sogndal som kulissar kan filmane bli eit viktig bidrag til å marknadsføre området som ein skidestinasjon.
– Vårt mål var å trigge folk til å lage skifilmar. Dette har så utruleg stor påverkingskraft ute blant folk, seier Nesbø.
Og etter at du har sett filmane, så vil det truleg krible litt i beina. Under kan du sjå dei fem beste filmane. Førsteplassen vart premiert med 10 000 kroner, medan andre og tredjeplassen fekk premiar verdt 3500 kroner levert av Fjellsportfestivalen sine samarbeidspartnarar.
- LES OGSÅ:
- LES OGSÅ:
- LES OGSÅ:
(Artikkelen held fram under biletet)
1. plass: «This is my life: Hakkan Borlin»
- Foto: Bård Basberg & Magnus Davidsen
- Skodespelar og skikøyrer: Henning Skjetne
- Innspelt i Sogndal, Sogndalsdalen og Luster Februar 2012 –
Denne filmen imponerte oss. Den er filmatisk bra, og er på nivå med ein profesjonell skifilm i forhold til klypp og slike ting. Så dette var berre veldig, veldig bra, seier Nesbø og legg til:
– Dei har skapt ei historie på to minutt, og synt at det er masse talent både framfor og bak kamera, seier Nesbø.
(Artikkelen held fram under biletet)
2. plass: «Hvorfor er vi her?»
- Laga av Sogndal folkehøgskule
– Her ser vi ein kreativ og ny vri på filminga. Dei hadde også ei veldig bra filmatisering, bra kunstnarisk innhald, seier Nesbø.
– Dei brukte også ein foto og filmteknikk som vi vart imponert over.
(Artikkelen held fram under biletet)
3. plass: av Hodlekve Newschool
- Med Torgrim Aanestad, Magnus Krogstad med fleire.
– Dette er ein rein «jibbefilm». Det vil seie ein film der dei gjer triks på til dømes rekkverk, og andre element i nærmiljøet. Dette presenterer dei på ein veldig god måte, og dei er veldig kreative i bruk av element, seier Nesbø.
(Artikkelen held fram under biletet)
4. plass: (utan namn)
- Laga av Tarjei B Aasen, Joar Frækaland, Vegard Byrkjeland Aasen
– Dette er ein gjeng med unge gutar som har lagt ned ein kjempeinnsats. Dei har spelt inn ein film rundt Heggemyrane skisenter ved Hafslo. Dei viser masse skiglede, seier Nesbø.
– Her har dei også kledd seg ut som festivalsjef Knut Myking, og filmen har eit ganske bra humoristisk snitt, smiler Nesbø.
(Artikkelen held fram under biletet)
5. plass: Jalla Krut
- Av og med: Kjetil Russenes, Kristoffer Hansen, Christian Parkstad og Erlend Vindenes
– Filmen syner god skikøyring. Det er god stemning rundt Sogndalsdalen og Hodlekve. Det syner ganske enkelt og greitt kor bra og lett ein kan gjere det, seier Nesbø.
– Her får vi skogskøyring som syner kor fint vi har det her, seier Nesbø stolt.
Nesbø legg vekt på at ein ikkje treng å vere proffe filmskaparar for å lage film i flott norsk Sognenatur. Han seier dei med filmkonkurransen håpar å freiste folk til å lage fleire skifilmar, og at dei som ser filmane får augo opp for den fantastiske skitilhøva i fjella her.
– Dette var første gong vi hadde ein slik filmkonkurranse, og det blir nok fleire.
- LES OGSÅ:
- LES OGSÅ:
- LES OGSÅ:
- LES OGSÅ: