No skal det bli slutt på mobbing

– Vi er veldig glade for at vi får vere med i dette nye læringsmiljøprosjektet. For vi klarer det ikkje sjølve, seier rektor ved Hornindal skule, Gro Michaelsen Hundeide.

• Les også: Vedvarande mobbing i halvparten av kommunane

Ikkje råd til alle kommunane

13 kommunar får ekstra oppfølging av fylkesmannen fordi dei har slite med høge mobbetal over fleire år. Men det er berre Hornindal som er plukka ut til å vere med i det nasjonale arbeidet mot mobbing.

– Tilbodet kunne kanskje vore til fleire kommunar. Dette er eit statleg tilbod og det er vel avgrensa med midlar i forhold til kva staten kan tilby, seier utdanningsdirektør hjå Fylkesmannen, John Ole Vange.

• Les også: Dette meiner fylkesmannen om læringsmiljøet

Onsdag og torsdag var rektorane ved fleire skular i fylket samla for å snakke om miljøet på skulane sine og lære av kvarandre. Og høyre om læringsprosjektet.
10 kommunar med 23 skular har sidan desember i fjor delteke i pilotfasen.

Masfjorden har vore ein av skulane som har delteke.

• Les også: – Sviktar i arbeidet mot mobbing
• Les også: Læringsmiljøprosjektet

Viktig at leiinga er med å motkjempe mobbing

- På skulen vår har vi vår eigen miljøkoordinator. Henne er det lett å gå til med problema sine, seier Heidi Eimhjellen ved Mo og Øyrane Vidaregående Skule. Ho trur det er lettare å ha ein miljøkoordinator å gå til, enn å ta problema rett på rektor sitt kontor.

Det er eit tett samarbeid mellom miljøkoordinatoren og rektoren, slik at ein fort kan ta tak i problem om dei oppstår. At leiinga er med å motkjempe mobbing, meiner Eimhjellem er heilt nødvendig, då det er rektorane som har nok makt til å sette i gang gode tiltak.

Miljøkoordinatorstillinga er ikkje noko elevane har krav på. Eimhjellem håpar likevel skulene vil prioritere stillinga framover.

- Ho er ein av grunnane til at skulemiljøet er så godt som det er her ved Mo og Lyrane Vidaregåande Skule, meiner Eimhjellem.

Frå ordførar til lærarar

– Vi har lært mykje. Vi trudde vi var flinke til å sjå og handtere mobbing, men det vi har gjort tidlegare har ikkje fungert, seier skulefagleg ansvarleg Alf Magnar Strand.

Å ansvarleggjere heile kommunen, frå ordførar til lærarar og å setje av tid til å følgje opp skulane ofte er nokre av årsakene til at Masfjorden no kan vise til ei fallande kurve av mobbing.

– Det er vesentleg at dei som er øvste leiarar tek sitt ansvar og følgjer opp. Eg har fått komme i kommunestyret og snakka om dette ein gong i månaden, og det fører til at vi held på fokuset, seier Strand.

• Les også: Gut vart utsett for vald og mobbing frå medelev i fem år - no har politiet lagt vekk saka

Fylkesmannen med 50 tilsyn

Det er spesielt på skulane på Skei, Lærdalsøyri, Selje, Torvmyrane i Florø og Hornindal at mobbinga har vore vedvarande viser tal frå utdanningsdirektoratet.

– Fylkesmannen har hatt 50 tilsyn dei siste fem åra, og vi har god kontakt med skulane og kommunane for å følgje opp sakene som ikkje fungerer, seier utdanningsdirektør Vange.

Talet på mobbesaker som blir melde inn til Fylkesmannen har auka, frå tre i 2011 til 14 i 2014. Fylkesmannen har dei siste fem åra gjennomført om lag 50 tilsyn med dette som tema.

• Les også: Meiner skulane gjer ein altfor dårleg jobb i arbeidet mot mobbing