Vasslekkasjar har hindra innflytting - no er museet endeleg klar til bruk

– No har vi fått til ein avtale med Statsbygg som gjer at vi kan ta bygget i bruk, seier styreleiar for musea i fylket, Harry Mowatt, som vedgår at også han no er utolmodig.

For vegen fram til eit reiselivsmuseum i Balestrand har vore lang. Heilt sidan den spede starten i 1986 har bølgjene gått fram og tilbake for eit mogleg nasjonalt reiselivsmuseum i Balestrand.

• Les også: Nye problem for reiselivsmuseum
• Les også: Kunne endeleg leggje ned grunnsteinen for etterlengta museum

Vasslekkasjar

Målet var opning til turistsesongen 2015. Vasslekkasjar gjorde at det ikkje var mogleg, men no kan ein om ikkje anna starte arbeidet med å flytte inn i det nye bygget.

• Les også: - No kan museet realiserast

– Det vil nok gå mellom to og fire månader før vi har fått rigga alt som må på plass i det nye bygget. Det som då kan vere like praktisk er at vi tar den offisielle opninga til våren neste år, når turistsesongen startar i igjen, seie Mowatt.

• Les også: Reiselivsmuseet får 47 millionar

Viktig for reiselivet

–Det vil bety svært mykje for reiselivet i regionen at ein no snart kan få tatt i bruk reiselivsmuseet i Balestrand, seier hotelldirektør Sigurd Kvikne.

• Les også: Har teke 20 år og 77,5 millionar å få på plass
• Les også: - Gjennombrot for reiselivsmuseum

Museet er eit museum for reiselivet i heile landet, ikkje berre reiselivet i Balestrand eller Sogn og Fjordane.

– Det er jo litt status i at det er Norsk Reiselivsmuseum som er lagt til Balestrand. Eg håpar jo at vi skal få på plass eit fagmiljø og at det også kan resultere i ein del kurs og konferansar.

– Men enno kan det gå eitt år før ein kan opne dørene for publikum?

– Det er sjølvsagt leitt at det ikkje opna i år slik ein hadde håpa. Men eg er vel av den oppfatning at det er betre å få gjort det skikkeleg, og få alt på plass, før ein opnar dørene til neste års sesong, seier Kvikne.