Fjorddeponiet i Førdefjorden har nådd verdspressa.
Torsdag publiserte den britiske finansavisa Financial Times, med kring 2,1 millionar daglege lesarar, ein artikkel der dei spør om Norges miljøengasjement ute i verda er hyklersk.
– Tilbakemeldingane eg har fått etter at saka blei publisert, er frå folk som tykkjer at Norge er dobbeltmoralske, seier journalist i Financial Richard Milne.
– Kan presse andre
Er det for langt mellom liv og lære når vi betalar milliardar av dollar for å stoppe avskoginga i Brasil og Indonesia, samstundes som vi tillèt dumping av millionar av tonn med industriavfall i Førdefjorden, står det i artikkelen.
Anne-Line Thingsnes Førsund frå Vevring, ei av kjeldene Financial Times-journalisten har snakka med, meiner definitivt ja.
– Dersom Norge er villig til å dumpe i fjordane kan det leggje press på ein opparbeidde miljøstandaren i andre land, særskilt fattige land kan bli råka hardt, seier Førsund til avisa.
Nina Jensen, leiar i WWF Norge er samd.
– Vi seier til alle andre kva dei skal gjere, men vi gjer det ikkje sjølve, seier Jensen til avisa.
Artikkelen tek også for seg kullgruva på Svalbard og debatten om oljeboring i Arktis som døme på at Norge er miljøhyklersk.
– Dobbeltmoralsk
Til NRK seier Anne-Line Thingnes Førsund frå Vevring at ho er særs nøgd med at gruveplanane i Naustdal får internasjonal merksemd.
– At ei av verdas store finansaviser brukar ei heilside på å vise den norske dobbeltmoralen, viser alvoret i det vedtaket regjeringa har gjort om Førdefjorden.
- Aksjonistane straffa:
Ho trur Norge vil få mykje negativ omtale internasjonal presse i tida framover, dersom dumping i Førdefjorden blir ein realitet.
– Vi står fram som ein miljønasjon uttad, men samstundes driv vi med grov forureining. Det skulle berre mangle at verda reagerer.
– Heilt feil
At Nordic Mining blir brukt som eit døme på at Norge er miljøhyklarar, tykkjer administrerande direktør i Nordic Mining, Ivar S. Fossum blir feil.
- Les også:
– Eg meiner Norge verken er hyklersk eller dobbeltmoralsk. Eg kan ikkje hugse at Norge har kritisert andre land for måten dei gjer dette på, seier Fossum.