– Inntrykket er at bestanden har vore aukande dei siste ti åra her i indre strok, seier Are Endal Rognes.
Han er fjelloppsyn i Luster, og viser til at det er ein solid grevlingbestand i kommunen.
Det stemmer med inntrykket til Rein-Arne Golf i Statens naturoppsyn.
– Vi registrerer at det er grevling i nesten heile fylket. Men det er fleire i indre strok enn i ytre, seier han.
- Les også:
Er «ganske mykje» grevling i indre strok
Grevling er utbreidd over det meste av Europa og Mellom-Asia. I Norge lever den i låglandet på Austlandet, Sørlandet og i Trøndelag.
Lenge var Vestlandet sett på som «grevlingfritt», og ifølgje bokverket «Norges dyr» har Sogn og Fjordane vore eit område heilt utan grevlingobservasjonar. No har det endra seg.
- Les også:
– Grevlingen har blitt ein langt vanlegare observasjon. Det er ein art ein stort sett ser nattestid, så det kan også vere ein god del fleire enn dei vi ser – men vi ser at det er ganske mykje grevling her inne no, seier Rognes.
Har registrert fleire påkøyrslar i år
Det finst ikkje tal på kor stor bestanden er i Sogn og Fjordane. Men ifølgje Statistisk sentralbyrå er Hordaland og Sogn og Fjordane dei einaste fylka på Vestlandet utan innrapportert fangst av grevling. Derimot har to-tre grevlingar blitt offer for bilar i Luster i sommar og haust.
Rognes meiner Indre Sogn er eit område som eignar seg godt for rovdyret.
– Grevlingen trivast med milde vintrar, ein lang sesong og rikeleg tilgang på frukt, seier han.
- Les også:
Ifølgje Petter Bøckman ved Naturhistorisk museum kan grevlingen ha spreia seg både frå Austlandet og Sørlandet – anten over fjellet eller nordover langs kysten.