– Det har gått veldig bra. Her har nesten alle kome seg i fast eller mellombels arbeid nesten eit halvt år etterpå.
- LES OGSÅ:
Berre et halvt år etter at bussproduksjonselskapet Vidre i Stryn kommune gjekk konkurs og 30 tilsette mista jobben, er no 27 av dei tilbake i arbeid. Henden trur det er fordi dei har vore særs attraktive for andre bedrifter.
Høg kompetanse
Henden seier at mykje av årsaka til at så mange har kome seg så raskt i arbeid, handlar om mykje og god kompetanse.
- LES OGSÅ:
– Dei hadde noko å tilby som mange ville ha. Dessutan hadde bedrifta eit veldig godt rykte, med gode fagfolk, så næringslivet var heldigvis kjapt ute og sikra seg desse medarbeidarane, seier Henden.
Halvparten i fast jobb
Av dei tredve tidlegare tilsette, fekk meir enn halvparten fast jobb raskt. Seks går i midlertidige stillingar, og tre er framleis utan arbeid. Ordførar Sven Flo trur bedriftene i Stryn kommune har gjort mykje for å få desse ut i arbeid.
- LES OGSÅ:
– Det viser at bedrifta i denne samanhengen har gjort ein kjempejobb med å tilrettelegge for ei god overføring etter at bedrifta vart slått konkurs. med å få dei tilsette i arbeid så raskt som mogleg, skryt Flo.
Fleire av dei tidlegare tilsette som NRK har vore i kontakt med, seier at dei er nøgde med korleis NAV Stryn har jobba for å hjelpe dei ut på arbeidsmarknaden.
No prøver NAV å finne arbeidsplass til de tre som framleis manglar jobb.
– Dei siste tre som er igjen vil vi bruke mykje ressursar på å hjelpe tilbake i arbeid, seier Henden.