NRK Meny
Normal

Nekta å gå då restaurant stengde

Det har vore ei høvesvis roleg helg på politifronten. Men litt har politiet hatt å hanskast med.

Like over midnatt måtte politiet i Florø ta hand om ei kvinne som ikkje ville forlate staden ved stengjetid.

Vedkommande vart køyrt heim.

Tenåringsfest

Nokre minuttar seinare, og framleis i Florø, fekk politiet melding om feststøy frå ein privat bustad. Her viste det seg at 40-60 gjester i tenåra var samla. Politiet sette punktum for festen.

I 04-tida blåste ein bilførar 20-åra over lovleg promillegrense i Gaular. Mannen vart framstilt for blodprøvetaking og fekk førarkortet beslaglagt. Politiet opplyser at saka blir etterforska ved Førde lensmannskontor.

170 kontrollerte

Det har også vore halde fleire trafikkkontrollar i fylket. Laurdag kveld fann politiet ingenting å setje fingeren på då dei kontrollerte 75 køyretøy i Sogndal sentrum.

Natt til søndag vart 67 bilførarar kontrollerte ved Ljøsne i Lærdal. Ein førar fekk forenkla førelegg for manglande sikring av barn.

Seinare på natta var politiet i Sogndal på nytt ute i sentrum, men heller ikkje dei 28 kontrollerte førarane fekk noko reaksjon.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.