Hoven
Foto: Hoven Loen AS

Næringslivet i Sogn og Fjordane

Oppsummert

Her får du siste nytt om næringsliv, landbruk og turisme i Sogn og Fjordane. Har du tips? Send dei gjerne på e-post til sf@nrk.no, ring 57 72 42 42, bruk emneknaggen #nrksf i sosiale medium eller send dei inn her.

  • Sjukefråværet aukar

    Det er urovekkande at sjukefråværet i Sogn og Fjordane aukar også i tredje kvartal, seier direktør i Nav Vestland, Anne Kverneland Bogsnes. Fråværet auka med 5,8 prosent ifølgje Nav. Fylket ligg likevel på ein tredjeplass blant fylka med lågast sjukefråvær.

    Anne Kverneland Bogsnes
    Foto: Bård Siem / NRK
  • Set prosjekt på vent

    Helse Førde set byggjeprosjektet på vent for å behandle klagen frå Åsen og Øvrelid AS, skriv Firda. Entreprenøren tapte anbodskonkurransen trass i at dei var 20 millionar billegare. I dag blei det kjent at dei har sendt inn klage. Direktør Arve Varden seier det blir gjennomgang av både innsyn og habilitet.

    Arve Varden
    Foto: Oddmund Haugen / NRK
  • Går av som Havyard-sjef

    Geir Johan Bakke og styret i Havyard Group er blitt samde om å avslutte arbeidsforholdet. Det opplyser skipsbyggarkonsernet i ei pressemelding. Partane gir ikkje ytterlegare kommentarar til saka. Nyleg vart det kjent at Havyard Ship Technology er i store økonomiske vanskar. Havyard-konsernet har nær 600 tilsette og ei ordrebok på over 4,3 milliardar kroner.

    Geir Johan Bakke (Havyard)
    Foto: Siv-Elin Nærø