Fylkesmannen i Sogn og Fjordane feller ein knusande dom over Vik og Bremanger kommunar. Begge må selje obligasjonane dei investerte i gjennom Terra Securities.
Verst stilt er Bremanger, der fylkesmannen har inntrykk av at seljarane til Terra Securities har skrive delar av den kommunale sakshandsaminga.
- Uforsvarleg handsaming
Fylkesmannen meiner administrasjonen har gått langt ut over fullmaktene og har teke vesentlege finansielle risikoar ved å bytte bort både kommande inntekter på eigedomsskatt på kraftverk, husleigeinntekter og konsesjonsavgift med inntekter.
- Særleg kritikkverdig at kommunen ved ei stor investering på 170 millionar ikkje ser ut til å ha gjennomført den mest elementere form for forsvarleg sakshandsaming. Rådmannen hadde ikkje utfyllande informasjon om investeringane og skaffa seg heller ikkje innsyn i risikoelementet, seier han.
- Må selje obligasjonar
Fylkesmannen gir likevel kommunane eit lite pusterom. Hadde dei vorte nøydde til å selje unna obligasjonane sine no ville tapa vorte veldig store. Om ei stund kan salssummen bli større.
- Dersom kommunen må selje seg ut raskt, kan det medføre unødig store tap for kommunen. Fylkesmannen har difor ikkje innvendingar til at kommunen i samarbeid med sine rådgjevarar brukar forsvarleg tid til å avhende obligasjonane. Fylkesmannen avventar ei vurdering frå kommunen om kva dei meiner er forsvarleg tid, skriv Fylkesmannen i pressemeldinga si i dag.
- God gamal regel
Etter å ha leita med lys og lykter, har Flæte funne formildande omstende i investeringane.
- Det er slik at Terra har sitt utsprik frå Sparebankane. Det har vore ein god gamal regel å stole på Sparebankane, det er ein viss formildande omstende. Det er i liten grad formildande at seljarane gjekk rimeleg hardt på. Det er ein barnelærdom som bør inn i kommunane at ein ikkje må gå inn i meir kompliserte produkt enn ein sjølv forstår, seier han.
KOMMUNALMINISTEREN: