Komande måndag skal innbyggjarane i fem Sunnfjord-kommunar og Hyllestad i Sogn gå til valurnene for å røyste på om heimkommunen bør slå seg saman i ein ny og større kommune.
Kommunale utgifter til administrasjon er eit gjentakande tema i debatten, og no viser nyleg framlagde tal frå Statistisk Sentralbyrå at det i fjor var store ulikskapar kommunane imellom når det gjeld administrasjonsutgifter per innbyggjar.
Medan det kostar om lag 4000 kroner per innbyggjar å administere kommunar som Sogndal, Førde, Stryn og Flora, kostar det over tredobelt så mykje per innbyggjar å administere små kommunar som Aurland, Solund og Balestrand.
- Les også:
- Les også:
Ikkje overraska
Ole John Østenstad, rådmann i Førde, er ikkje overraska over tala.
– Vi er 13.000 innbyggjarar i Førde, ein storleik som gjer at vi greier å utnytte ressursane på ein slik måte at kostnadene til administrasjon blir låge, seier Østenstad.
– Høgt aktivitetsnivå
Noralv Distad, ordførar i Aurland, som har dei høgaste administrasjonsutgiftene i fylket, har denne kommentaren.
– Aurland har eit veldig høgt aktivitetsnivå i høve til innbyggjartalet, noko som påverkar administrasjonsutgiftene våre, seier han.
– Dersom ein ser på tala er det små kommunar som Aurland, Solund og Balestrand som har dei høgaste administrasjonsutgiftene per innbyggjar. Kva kommentar har du til det?
– Det er naturleg at mindre kommunar får høgare kostnader til administrasjon. Ein må ha rådmann, etatsleiarar og anna i alle kommunar. Dette er også påpeikt i kommunereformarbeidet, seier Høgre-ordførar Distad. Trass i dei høge administrasjonsutgiftene ønskjer han ikkje at Aurland blir slått ihop med nabokommunane.
Trass i at heimkommunen Aurland har dei største administrasjonsutgiftene per innbyggjar i fylket vil ordførar Noralv Distad (H) at Aurland skal halde fram som eigen kommune.
Foto: Erlend Blaalid Oldeide / NRKKan spare mykje
Førde-rådmann Østenstad meiner det vil vere mykje å spare på å få ein felles storkommune i Sunnfjord.
– Det er store pengar å spare i administrasjonsutgifter ved å slå kommunane saman. Det er det ingen som helst tvil om. Dette er pengar som det nye kommunestyret i den nye kommunen kan brukte på å yte betre tenester til innbyggjarane, seier Østenstad.
