NRK Meny
Normal

Mistenkt valdsmann sit framleis i arresten

Ein mann i 40-åra sit framleis i politiarresten, etter at han natt til måndag skal ha utført grov vald mot to familiemedlemer i Eikefjord.

Eikefjord

EIKEFJORD: Ein mann i 60-åra måtte få legehjelp, etter at ein mann i 40-åra var valdeleg mot han og ei kvinne i 40-åra.

Foto: Kjell Arvid Stølen / NRK

Ein mann er arrestert for vald mot to personar i Eikefjord i Flora kommune i natt. Den mistenkte valdsutøvaren, ein mann i 40-åra, er arrestert etter hendinga. Offera er ei kvinne i 40-åra og ein mann i 60-åra.

Mannen i 60-åra måtte til legevakt og få behandling for skadane han vart påført.

– Ein må karakterisere det som alvorleg når ein påfører ein person skader som gjer at han må få legehjelp, seier operasjonsleiar hjå politiet, Trond Hatlenes, til NRK.

Hatlenes opplyser at det er eit slektskapsforhold mellom dei involverte. Det var rus involvert i hendinga, og valdsutøvaren er ein kjenning av politiet.

– Vi har ikkje teke stilling til om mannen skal fengslast, han sit framleis i arresten her i Florø, opplyser politistasjonssjef Robert Veseth til NRK måndag ettermiddag.

Vegopning på Bergum i Førde kommune