NRK Meny
Normal

Mistenkt for promillekøyring – ringde sjølv til politiet

Ved eitt-tida natt til sundag fekk ein mann i 20-åra i Sogndal kverrsett førarkortet etter mistanke om at han har køyrt bil i rusa tilstand.

Mannen ringde sjølv til politiet og melde frå.

– Vi opplever mykje rart men denne var ny, seier Bengt Ness, som er operasjonsleiar Vest Politidistrikt i Florø.

Om lag samstundes tok politiet i Førde hand om ein mann i om ein overstadig rusa mann 50-åra. Mannen var blitt nekta adgang til ein utestad, og fekk i staden overnatte i arresten.

Også ein mann i 20-åra fekk eit opphald i arresten etter å nekta å fjerne seg frå ein utestad.

I Florø vart ein mann i 30-åra stogga av politiet i Firdavegen. Det synte seg at mannen var rusa og at han heller ikkje hadde førarrett. Det vart tatt blodprøve av mannen.

I ein trafikkontroll på E39 i Jølster skreiv politiet ut tre forenkla førelegg for høg fart. Høgste målte fart i 70-sona var 86 kilometer i timen

Ved femtida tok politiet i Florø hand om ein overstadig rusa mann i 20-åra som hadde gjort skadeverk i Strandgata, blant anna knust ei vindaugsrute. Mannen var seinare overtatt av helse.