Politiet fekk melding litt over kl. 20 om ein bil i grøfta ved Moane i Hafslo. Etter at naudetatane kom på staden, fekk dei mistanke om promillekøyring.
– Ein alkotest gav tydeleg utslag, seier operasjonsleiar ved Vest Politidistrikt, Kai Henning Myklebust.
Politiet har no oppretta sak mot føraren.
– I forbindelse med det tydelege utslaget, så er føraren tatt med inn til blodprøve, og sak blir oppretta, seier Myklebust.
Føraren kom uskadd frå ulukka.