Det er folk i Vik misnøgde med, seier Morten Holmberg, som er næringsdrivande og lokalpolitikar for Venstre i Vik.
- Brøytinga av vegen burde ha starta for fleire dagar sidan, meiner Holmberg. Han seier det skaper store vanskar for næringslivet og pendlarar at vegen er så mykje stengd.
Viktig veg
Vikjene er vande med at vegen over til Voss blir stengd når det er dårleg ver om vinteren, men tre veker samanhengande stenging røyner på tålmotet. For denne vegen er svært viktig for lokalsamfunnet, seier Holmberg.
Kjempar for heilårsveg
Gjennom A/L Vikafjellsvegen har nabokommunane Vik og Voss kjempa i mange år for å få utbetra vegen slik at det blir ein stabil heilårsveg. Leiar i vegselskapet, Erling Stadheim, meiner den lange stenginga i år bør føre til at fylkestinga i Hordaland og Sogn og Fjordane no må prioritera ein ny tunnel på Vikafjellet.