Korkje Tarjei Bø eller Ronny Hafsås fekk det til å klaffe på dagens 20-kilometer i Pokljuka:
Tarjei Bø skaut fire bom på standplass, og enda på 37. plass - nesten tre og eit halvt minutt bak vinnaren Christoph Sumann.
For Ronny Hafsås sin del vart det totalt seks bom på dei fire skytingane, og han vart til slutt nummer 46. Hafsås var nesten fire minutt bak vinnaren, trass i at han var raskaste løpar i sporet.
- Sjekk resultatlista her:
Burde ha vist seg fram
I realiteten misbrukte dei to nordfjordingane ein god sjanse til å vise seg fram med tanke på ein plass i den norske OL-troppen. Fleire av dei beste norske løparane stod nemleg over i Pokljuka.
Både Ole Einar Bjørndalen og Emil Hegle Svendsen valde å droppe verdscuprennet for å optimalisere førebuingane sine fram mot vinterens OL. Duoen er dei einaste skiskyttarane frå Norge som sikkert kan rekne med ein plass i den norske OL-troppen.
I tillegg stod også Halvard Hanevold og Lars Berger over distansen.
Os med god OL-søknad
På dagens normaldistanse la derimot Alexander Os inn ein god søknad om ein plass i troppen til Vancouver med sin tredjeplass. Dagen vart også oppløftande for Frode Andresen, som gjekk inn til sjuandeplass.
- LES MEIR:
Tredje beste nordmann vart Hans Martin Gjedrem på 29. plass med to tilleggsminutt.
I helga ventar nye sjansar for Tarjei Bø og Ronny Hafsås. Laurdag er det sprint, medan løparane skal gå jaktstart på søndag.