Fleire hundre tilsette på norske slakteri blir neste veke permitterte som følge av streiken blant sjåførar i varehandelen, skriv avisa Nationen. Mellom verksemdene som vert råka hardast er Nordfjord Kjøtt i Loen, som reknar med å måtte permittere minst 220 arbeidarar som følgje av streiken. Verksemda er hovudleverandør av kjøtvarer til Rema 1000.
Fleire store næringsmiddelverksemder har alt byrja å permittere, og mange andre varslar permitteringar når arbeidsgjevarane set i gang lockout fra måndag.
I tøffaste laget
Nordfjord Kjøtt leverer kjøtvarene til Rema 1000.
- Vi må permittere 220-230 av arbeidsstokken på 260, seier Torleif Roksvåg, som er ein av eigarane. Han seier til Nationen at han føler konsekvensene av streiken er blitt i tøffaste laget.
- Dette kostar oss ganske dyrt, og eg tykkjer vi som tredjepart er blitt hardt råka, seier han.