Den smale og kronglete vegen mellom Lavik og Vadheim er no snart historie på stykket mellom Torvund og Teigen. Sidan august 2010 har anleggsfolka vore i sving med ny veg og tunnel på strekninga.
Kven som skulle stå for opninga, og akkurat kva dag det skulle skje kunne prosjektleiaren ikkje svare på i byrjinga av månaden. Men no er det altså klart.
– Det har vore litt fram og tilbake når det gjeld opningsdato, men no er det altså klart at det vert måndag 10. desember, seier prosjektleiar Sverre Måge hos Statens vegvesen til avisa Ytre Sogn.
- LES OGSÅ:
- LES OGSÅ:
Den nye vegstrekninga er om lag fem kilometer lang, av dette er 2,5 kilometer tunnel. Den nye vegen blir om lag ein kilometer kortare enn dagens veg. Prosjektleiaren har sjølv køyrd gamlevegen svært mange gonger under byggjeperioden og trur folk vil merke det godt når nyevegen opnar.
– Det blir som natt og dag. Det blir formidabelt for bilistane, sa Måge til NRK.no i starten av november.
Under kan du bli med på ein prøvetur på den nye strekninga.