NRK Meny
Normal

Mildvêret held fram - i alle fall fram til helga

Vêrvarslinga på Vestlandet kan melde om finvêr også denne veka. Men Statsmeteorolog Anna Reistad er klar i bodskapen – Kom dykk ut og nyt vêret no! Til helga er det over.

Vårbilete

SOL OG MILDE TEMPERATURAR: Vêrvarselet for denne veka lover mykje sol i Sogn og Fjordane framover mot helga.

Foto: Torje Bjellaas / NRK

–Til helga blir det mørkt og trist, så no må ein verkeleg utnytte det fine vêret dei komande dagane. Det seier Statsmeteorolog ved Vêrvarslinga på Vestlandet Anna Reistad.

Stort sett fint vêr fram mot helga

Reistad kan melde om fine vårdagar også denne veka. Det einaste skåret i gleda, er tysdag. Då er det utrygt for regn og overskya vêr fleire stadar i fylket.

–Vêret som vi har hatt den siste tida blir litt øydelagt tysdag. Då blir det mest sannsynleg overskya, med nedbør nokre stadar. Spesielt i indre strøk er det fare for lokale regnbyer, seier Reistad.

Men utover dette ser det ut til å bli ei fin veke i Sogn og Fjordane, med temperaturar over ti grader midt på dagen. Dagtemperaturen denne veka vil bli noko lågare enn førre veke på grunn av vindretning, men det vil framleis bli fine temperaturar.

Anna Reistad

MYKJE FINVÊR OGSÅ DENNE VEKA: Statsmeteorolog Anna Reistad meldar sol og fine temperaturar.

Foto: Vidar Gudvangen / NRK

–Finn du deg ein krok som er litt lun for vinden, kan du få det både godt og varmt, seier Reistad.

Stor grasbrannfare

Grasbrannfaren vil også vere høg utover veka. Det tørre vêret gjer at Reistad oppmodar folk til å vise fornuft med bruk av eld den komande veka.

–Folk må tenke over kor dei brenn bål og liknande. Det er så pass tørt ute no at ein må vere forsiktige, seier meteorologen.

Stor forskjell mellom dag og natt

I tillegg kan Statsmeteorologen melde om store temperaturforskjellar mellom dag og natt. Trass i mykje sol vil det kunne vere fare for nattefrost fleire stadar i Sogn og Fjordane.

–Sjølv om det er mykje sol på dagtid, blir det fallande temperaturar utover kvelden og natta. Dette kan føre til temperaturar under null, spesielt i indre strøk vil det vere fare for frost, seier Reistad

Ingen snø i sikte

For dei som framleis hadde håpa på nedbør i form av snø, ser det dessverre dårleg ut. Sjølv om prognosane for tida framover er ganske usikre, er det lite snø i sikte.

–Ja, dei som hadde ønskja seg meir snø må nok vente til neste år trur eg. Dette er framleis veldig usikkert, men slik det ser ut no er det berre regn og mildvêr som ligg i planane tida framover, seier Reistad.

Skjermdump
Foto: Skjermdump frå YR.no

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.