NRK Meny
Normal

Midtstoppar klar for Sogndal

Espen Næss Lund (25) melder overgang frå FK Tønsberg til Sogndal Fotball.

Espen Næss Lund
Foto: NRK

- Han er 194 cm høg og har stor rekkevidde. Han er ein spelande midtstoppar og litt sånn «kapteinstype», seier sportsleg leiar i Sogndal, Trond Fylling.

Kan han gjere som Grorud?

Næss Lund har dei siste åra vore kaptein i FK Tønsberg. Ironisk nok hadde mannen han skal erstatte, Lars Grorud, same rolle før han kom til Sogndal i 2007.

Grorud gjekk til Brann etter at Sogndal hadde sikra opprykk til Eliteserien.

- Akkurat det er litt tilfeldig, men det gjekk med fint med Lars - så vi får håpe det går like bra no, seier Fylling.

- Er ein spelande midstoppar

- Eg får berre håpe at eg kan bidra like godt som Lars har gjort, seier Espen Næss Lund.

Han skreiv under ein treårskontrakt med Sogndal tysdag føremiddag.

LES OGSÅ:

- Eg er ein spelande midstoppartype, som har spelt i posisjonar overalt på bana, seier om seg sjølv.

Vart cuphelt med Tønsberg

Næss Lund har vore i FK Tønsberg sidan 2005. Før det var han i Vålerenga i to sesongar. Han var svært løfterik som spiss i ungdommen, men har gradvis vorte flytta lenger bak på bana.

Dei to siste sesongane har han vore midstoppar.

Han var svært sentral i Tønsberg-laget som tok seg til 4. runde i cupen førre sesong. På vegen vart mellom anna gamleklubben Vålerenga slegne ut, og Næss Lund skåra to av måla.

SJÅ NÆSS LUND SKÅRE TO MOT VÅLERENGA HER: FK Tønsberg - Vålerenga

- Sjølvsagt er det stor skilnad frå 2. divisjon til eliteserien, så det er berre å bruke vinteren godt slik at eg kan ta opp kampen om å få spele mest mogleg, seier Espen Næss Lund.

25-åringen skal gjere eit meniskinngrep med det første, og overgangen er avhengig av at han passerer den medisinske testen.

Bønder føler seg ikkje trygge på vegen med traktor
Orkanen Tor var ikkje ekstrem nok
Ordninga bør endrast