NRK Meny
Normal

Midt i oljekrisa er dei i ferd med å lukkast

Etter år med venting og nedturar, ser det endeleg lysare ut for Lutelandet i Fjaler.
I går kom endeleg den første oljeriggen inn til industriområdet.

Fyrste oljerigg snart inne på Lutelandet i Sogn og Fjordane.

OLJERIGG PÅ PLASS: Oljeriggen Leiv Eriksson skal oppgraderast på Lutelandet i Fjaler. Sjå TV-saka.

Ti års ventetid var over då Leiv Eriksson som første oljerigg i går ettermiddag nådde Lutelandet.

Ytst i Fjaler på kysten av Sunnfjord har dei venta på eventyret som skulle komme. I 2012 stod det nye industriområdet framleis heilt utan aktivitet. Men i 2015, når offshorenæringa nærast har møtt veggen, går Lutelandet mot straumen.

– Vi ligg lageleg til, det er kort seglingstid frå mange av dei store felta til Lutelandet. Vi ligg midt i smørauget reint geografisk, seier Stein-Arne Ottesen, dagleg leiar Lutelandet Utvikling.

Dei neste vekene skal Leiv Eriksson oppgraderast, før boreriggen igjen skal ut i Nordsjøen. Førebuingane er òg i gong til det verkeleg store oppdraget: opphogginga av Yme-plattforma.

– Så vidt vi veit er det første gong i verda at ein tek heile oljeplattformar og demonterar dei på land. Det har aldri blitt gjort før, seier Ottesen.

I dag vart det vedteke å utsetje fortøyinga av Leiv Eriksson, på grunn av for mykje vind.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.