Dagleg leiar Ingvild Hestenes og partner Anton Lorentz Bondesen var på plass for å ta imot prisen.
– Det er eit fantastisk eventyr. I januar var vi ein tilsett på Sandane, ved utgangen av dette året er vi ti. Det er heilt fantastisk å vere med på å byggje opp noko, det er vi veldig stolte over, sa Ingvild Hestenes då dei fekk overrekt prisen.
Betalingsautomatar på legekontor
Melin Medical leverer administrasjons- og betalingsløysingar til helsevesenet. Dei starta i februar 2010 på Sandane, og har utvikla ein ny betalingsautomat for helsevesenet som er tatt i bruk på mange legesenter i landet. Dei har store planar framover og vil vekse seg inn hos fysioterapeutar og kiropraktorar.
– Ein stor ressurs
Arvid Andenæs i juryen seier at årets gründer har kunnskap frå eit tradisjonelt og konservativ fagfelt, og har vist imponerande vilje og evne til å tenkje nytt.
– Dei har funne nye måtar å gjere ting på. Det er eit godt utgangspunkt for ein gründer. Bedrifta er ein stor ressurs for fylket vårt. Årets gründer har gått frå å vere ei lita bedrift til å bli ein sydande næringsaktør. Dei har effektivisert helsevesenet på ein mønsterverdig måte i ein sektor som treng fornying, sa han frå scenen under utdelinga.
Delt andrepremie på 50.000 kroner gjekk til Askvoll Sjømat & Delikatesser og Digital Etikett i Gaupne.
- LES OGSÅ:
- LES OGSÅ: