Ifølgje avisa Firda, skjer dette etter dei siste dagane med open uro i fylkespartiet kring rolla til både Jakob Nødseth og kastinga av Finn Ove Njøsen frå partiet si nominasjonsnemnd.
Sist torsdag hadde fylkesstyret i Høgre eit ekstraordinært styremøte over telefon. Her diskuterte dei kor vidt Finn Ove Njøsen, som sit i nominasjonsnemnda i partiet, skulle fjernast frå sitt verv i nemnda. Noko dei valde å gjere.
No går altså fylkesleiaren sjølv ut av kampen om å bli nominert på partiet si stortingsliste, og det er heilt klart at den interne maktkampen i partiet held fram med uforminska kraft.
- LES OGSÅ:
Det skjer etter store interne konfliktar kring fylkesstyret i Høgre si kasting av Finn Ove Njøsen frå nominasjonsnemnda etter usamd om nøytralitet.
- LES OGSÅ:
Tidlegare fylkesnestleiar i Sogn og Fjordane Høgre, Eva Marie Halvorsen, meiner i følge Firda at Njøsen vart offer for frykta for ein sterk kandidat i form av Jakob Nødseth.
– Dette er politikk på sitt verste. I politikk må ein akseptere usemje. Eg trur rett og slett dei er redde Jacob Nødseth. Han er så dyktig at han om fire år vil kunne vere vanskeleg å komme forbi som førstekandidat, seier Halvorsen til avisa.
Fylkesleiar i Høgre, Arve Mjømen, har førebels ikkje vore tilgjengeleg for kommentar til NRK i denne saka no i kveld.