– Tunnelane må utvidast både i høgda og breidda. Då er det betre å byggje heilt nytt, seier Grodås.
Rassikring
Fleire lastebileigarar fryktar at den planlagde utvidinga av Strynefjellstunnelane ikkje skal verte god nok.
I Nasjonal transportplan lovar regjeringa å syte for sikrare tunnelar og å rassikre den farlege strekninga opp Strynefjellet på riksveg 15.
Men i fylgje avisa Fjordingen kan tunnelane berre verte utvida i høgda og ikkje i breidda. Dermed vert vegbana framleis utan gul stripe.
– Bygg nytt
Lastebileigar Grodås fryktar trafikkaos under utstrossingsarbeidet om ein skal byrje å utbetre tunnelane.
– Det å bygge nye tunnelar vil vere det mest samfunnsøkonomiske. Om dei skal byrje å strosse blir det eit problem for trafikken, og det vil gå utover næringslivet, seier han til NRK Sogn og Fjordane.
