Etter at ein basehoppar onsdag kveld mista livet i ei ulukke i Gudvangen i Aurland,
Dødsulukka denne veka er den sjette i kommunen sidan 2013.Men erfaringane frå stader der ein har innført forbod mot basehopping, viser at det ikkje er vegen å gå. Det seier Dan Halvorsen som er visepresident i IKAR, den internasjonale kommisjonen for alpin redningsteneste.
– Det er umogleg å overvake eit forbod, og ein har også sett at eit forbod ikkje stoppar aktiviteten.
- Les også:
- Les også:
– Kan komplisere redningsaksjonen
Gjennom vervet i IKAR har Halvorsen vore engasjert i problematikken i årevis. Han er også redningsteknisk rådgjevar for Luftambulansetjenesten HF, dei som driv all luftambulanseflyging i Norge.
Kort tid etter dødsulukka i Gudvangen, gjekk ein annan basehoppar i bakken i Flåm. Her måtte luftambulansen heise ned helsepersonell til den skadde.
Halvorsen seier redningsoppdrag etter basehoppulukker ikkje er farlegare enn andre oppdrag for luftambulansen. I alle oppdrag kjem mannskapet sin eigen tryggleik først.
Å forby denne typen aktiviteten vil derimot kunne komplisere arbeidet for redningstenesta.
– Det kan føre til at aktiviteten i staden blir gjort til tider på døgnet der det er dårlegare forhold. Om noko skulle skje er det vanskeleg for redningstenesta å få gode meldingar og god informasjon om skadeomfanget, seier han.
- Les også:
- Les også:
Trassar forbodet
I over 30 år har det vore forbod mot basehopping i Trollveggen i Romsdalen. Likevel blir det gjort hundrevis av hopp herifrå årleg.
– Vi opplever at forbodet i Trollveggen har liten verdi i og med at politiet ikkje prioriterer å kontrollere området.
- Les også:
Etter to nye ulukker i Aurland, forstår Hustad at ordførarkollega Distad igjen ønskar å sjå på moglegheitene for å legge inn restriksjonar. Men:
– Eg trur dei som vil hoppe, hoppar uansett. Vi må prøve å få til eit godt samarbeid med miljøet, seier Hustad.
Trur på haldningsarbeid
Halvorsen i IKAR trur basehopparar, som alle andre som nyttar den norske naturen, må ha fokus på å velje turar etter evne.
– Ein løyser ikkje dette ved eit forbod. Eg trur dette går på haldningar. Vi er eit fantastisk land for å drive all type ekstremsport, og då vil det vere ein del av det at vi får ulukker knytt til denne aktiviteten.
Etter dødsulukka i Gudvangen onsdag kveld, sette basehoppmiljøet sjølv i gang ei intern gransking for å finne ut kva som skjedde. Basehoppar Tom Erik Heimen vart sjølv vitne til at kompisen døydde.
– Med ein gong ulukka var eit faktum, sjekka vi utstyr og omstenda rundt det. Vi deler informasjon når vi snakkar med folk både her og i utlandet, når vi prøver å finne ut kva som førte til ulukka, seier han til NRK.