Mannen vart først send til Førde sentralsjukehus, før han etter kort tid vart flogen med luftambulanse til Haukeland universitetssjukehus i Bergen.
Klokka 19.35 opplyste Haukeland at mannen er alvorleg skadd.
Ulukka vart meld klokka 14. Brannvesen, ambulanse og politi rykkte ut til staden. Luftambulansen rykkte også ut.
Den skadde var førar av ein varebil, som frontkolliderte med ein lastebil i ei 80-sone.
FASTKLEMD: Ein mann sat fastklemd etter frontkollisjonen på fylkesveg 57.
Foto: Ole Andre Rekkedal / NRKÅrsaka er førebels ukjend
– Ein person er skadd og seit fastklemd. Vedkommande blir no forsøkt berga ut, opplyste politiet til NRK.no i 14.30-tida.
Vegen mellom Osen bru og Dale var ei stund stengd, men er no open att. Årsaka til ulukka og skadeomfanget er førebels ukjend.
– Køyretøya har kollidert front mot front, opplyser politiet.
NRK sin fotograf på staden fortel om tydelege bremsespor på staden. Ulukka har skjedd i nærleiken av ein sving. Varebilen er godt inntrykt framme på førarsida.
Ulukka blir etterforska ved Gaular lensmannskontor.
SKADD: Ein person er skadd etter frontkollisjonen ved Båtevika mellom Dale og Osen bru.
Foto: Ole Andre Rekkedal / NRK