– Det hadde ikkje noko med nød å gjere, seier Per Rimmen ved politiets operasjonssentral i Florø.
Mannen oppheldt seg i Fresvik, og saka blei følgt opp av lokalt politi. Same stad rykka politiet seinare ut etter melding om bråk under ein festival. Ein person hamna i drukkenskapsarresten.
Politinatta var elles midt på det jamne kan Rimmen opplyse.
– Vi hadde ei heilt grei natt. Noko av bråket kjem frå folk som er på ulike arrangement, så det var litt festbråk utover natta.
Mistanke om båtkøyring i rus
I Sogn måtte politiet rykke ut fleire gonger. Litt over klokka eitt var det melding om ordensuro på ein privat stad i Høyanger. Politiet måtte roe ned stemninga og ordna opp på staden.
Ein båtførar i Aurland var mistenkt for å køyre med rus. Politiet tok personen med for blodprøvetaking.
I Fjaler var det både usemje og skadeverk på ein privat stad. Politiet vil følge opp saka.
Bråk i både Florø og Førde
I Sunnfjord fekk politiet meldingar frå både Florø og Førde. I Førde fekk politiet melding om festbråk frå ein bustad i sentrum. Festen vart avslutta på staden av politiet.
I kystbyen var det meldt om ordensuro ved ein skjenkestad. Politiet viste bort ein person, og det løyste seg på staden. Seinare fekk politiet melding om ordensuro på ei privat adresse i Florø. Politiet rykka ut, og skal følge opp saka.