– Folk i nærleiken fekk mistanke om at han hadde hamna på sjøen etter å ha sett gjenstandar i vatnet. Folk på staden fann han under vatn, og fekk han opp på land, fortel Kai Henning Myklebust ved politiet sin operasjonssentral i Florø.
Alle naudetatar rykka ut etter meldinga om at ein mann og ein truck hadde hamna på sjøen. Det blei jobba med gjenoppliving på staden, men mannen omkom.
– Det var ingen vitne til ulukka, men dei pårørande til mannen melde i frå om ulukka. Det var lokalt brannmanskap og redningsfolk ved luftambulansen som fekk han opp av vatnet, seier Myklebust.
Mannen var død då han vart henta opp.