– Det er snakk om ei klemskade i ein fot i samband med lossing av utstyr, seier Per Kristian Langlo som er administrerande direktør i det Ørsta-baserte entreprenørfirmaet KA Aurstad.
Administrerande direktør i KA Aurstad, Per Kristian Langlo meiner firmaet jobbar sikkert og synest det er leit at det har skjedd ei arbeidsulukke.
Foto: K.A. AurstadFirmaet gjorde ein jobb på Moskog då ulukka inntrefte. Langlo fortel at den skadde, som er ein 68 år gamal mann, skal ha fått skadar i ankelen og at han no er på sjukehuset for nærmare undersøkingar.
– Mannen er oppegåande, seier Langlo.
Vert etterforska
– Vi har akkurat kome fram til staden og veit førebels lite om korleis ulukka har skjedd, sa Per Rimmen som er operasjonsleiar i Politidistrikt Vest avdeling Sogn og Fjordane, like etter klokka 08.00 onsdag morgon.
Han fortel at arbeidsuhellet skal etterforskast av politiet i samarbeid med Arbeidstilsynet.
Meiner sikkerheita er god nok
Administrerande direktør i KA Aurstad, Per Kristian Langlo meiner dei har gode sikkerheitsrutinar i firmaet.
– Vedkommande hadde på seg verneskog og anna nødvendig verneutstyr. Det har truleg vore med å gjere til at skadane har vorte mindre.
– Kva gjer de vidare no?
–Vi vil gå nøye gjennom hendinga for å finne ut korleis dette kunne skje, seier Langlo.
